தோல்வியே வெற்றிதான்!
மரத்தின் தோல்வியே காகிதம்
காகிதத்தின் வெற்றியே கல்வி.
கடல்நீரின் தோல்வியே உவர்ப்பு
உவர்ப்பின் வெற்றியே உறுசுவை.
மாரியின் தோல்வியே வறுமை
வறுமையின் வெற்றியே சேமிப்பு.
பசுமையின் தோல்வியே பாலை
பாலையின் வெற்றியே எண்ணெய்க் கிணறுகள்.
காதலின் தோல்வியே பிரிதல்
பிரிதலின் வெற்றியே புரிதல்.
மனிதனின் மிகப்பெரிய தோல்வி மரணம்
மரணத்தின் மாபெரும் வெற்றி உடல் உறுப்பு தானம்.
தோல்வியின் தோல்வியே வெற்றி
வெற்றியின் வெற்றியே தோல்வியில்.
வெற்றியின் பாதையில் தோல்வியும் உண்டு
தோல்விகள் கண்டும் வெற்றியை அடைவோம்.